context da la pagina
Collavuratur(a)s
Stefan Schlegel, directur
Stefan Schlegel (*1983) è giurist. A l’Universitad da Berna è el stà assistent scientific da prof. Walter Kälin e prof. Alberto Achermann ed ha promovì il 2017 cun ina lavur davart il dretg da migraziun. Il 2015 ha Stefan Schlegel absolvì in segiurn da perscrutaziun a l’University of Toronto, 2016 fin 2018 ha el lavurà al Max-Planck-Institut per la perscrutaziun da cuminanzas multietnicas e multireligiusas a Göttingen. Dal 2019 al 2021 è el stà pimassistent a l’Universitad da Berna. Dapi il 2021 lavura el vi d’ina abilitaziun davart il sectur da protecziun da la garanzia da la proprietad e novas furmas da proprietad che vegn promovida dal Fond naziunal svizzer. Stefan Schlegel ha studegià a l’Universitad da Turitg ed a l’Université Jean Moulin Lyon 3.
Ultra da sia activitad scientifica è Stefan Schlegel adina era stà engaschà fermamain en la societad civila. Durant ses temp sco assistent scientific è el stà commember da la gruppa da giurist:as dad Amnesty International Svizra ed è s’engaschà là oravant tut per l’intermediaziun da la valur da la Convenziun europeica dals dretgs umans. Il 2009 è el stà confundatur dal Thinktank per politica da l’exteriur «foraus» ed ha sviluppà program davart la migraziun da quella organisaziun. Il 2014 ha el gidà a fundar il moviment politic «Operation Libero» ed è adina stà en la suprastanza da quel. Cun l’entschatta da sia activitad sco directur da la ISDU è el sorti da la suprastanza. Stefan Schlegel è creschì si en la Val dal Rain da Son Gagl e viva actualmain a Berna.
Linguas: tudestg, franzos, englais, cumpetenzas da basa en spagnol
Laura Knöpfel, responsabla perscrutaziun e cussegliaziun
Laura Knöpfel (*1991) è advocata ed antropologa da dretg. Ella ha promovì al King’s College London (2021) ed ha absolvì segiurns da perscrutaziun a la Pontificia Universidad Javeriana a Bogotá (2017, 2019) ed al European University Institute a Firenze (2020). Dal 2023 al 2024 è ella stada primassistenta per dretg da procedura civila a l’Universitad da Lucerna e dapi il 2024 incumbensada per l’instrucziun da dretg d’ambient a l’Universitad da Berna. Laura Knöpfel ha studegià giurisprudenza a las Universitads da Berna, Friburg ed a la School of Economics and Political Science a Londra.
Ultra da sias activitads scientificas è Laura Knöpfel s’engaschada per il mantegniment e la protecziun dals dretgs umans en Svizra ed a l’exteriur en il rom dad engaschaments entaifer la societad civila e da mandats autonoms. Il 2022 è ella stada delegada per ils dretgs umans da la International Caravana of Lawyers and Judges to Colombia e cusseglia dapi il medem onn NGOs pertutgant ils temas Strategic Lawsuits Against Public Participation (SLAPPs), protecziun dals dretgs umans tar investiziuns directas da l’exteriur e tar plants pervi dal clima.
Linguas: tudestg, englais, spagnol, franzos
Judith Kopp, collavuratura perscrutaziun e cussegliaziun
Judith Kopp (*1987) è sociologa. Ella ha promovì il 2022 en scienzas politicas a l'Universitad da Kassel ed ha lavurà suenter fin l'entschatta da l'onn 2025 sco collavuratura scientifica en differents projects da perscrutaziun. Judith Kopp ha studegià scienzas culturalas e sociologia a Lucerna, Genevra e Frankfurt am Main. Ils accents da sia lavur scientifica da fin ussa èn stads ils secturs da la politica da migraziun e da fugitivs en Europa, l’inegualitad globala sco era la regulaziun da chadainas transnaziunalas da creaziun da valur.
Dal 2011 fin il 2018 ha Judith Kopp lavurà en il referat europeic da l' organisaziun per ils dretgs umans Pro Asyl a Frankfurt al Main.
Linguas: tudestg, franzos, englais, spagnol
Lucien Schönenberg, collavuratur per perscrutaziun e cussegliaziun
Lucien Schönenberg (*1992) ha studegià antropologia sociala, filosofia e svilup persistent a Neuchâtel e Berna. El lavura vi da sia dissertaziun a l’Institut per antropologia sociala da l’Universitad da Berna.
Sia lavur scientifica sa concentrescha sin instituziuns statalas sco la polizia e la praschun. El è spezialisà per discurs da segirezza, surveglianza e chastis, praticas da surveglianza cun video e l’utilisaziun da tecnologias d’elavuraziun digitala da maletgs tras la polizia.
Ensemen cun Nina Peier è Lucien Schönenberg responsabel per il sectur tematic «discriminaziuns multiplas».
Linguas: tudestg, franzos, englais, cumpetenzas da basa en talian e chinais
Samantha Atia, direcziun dal secretariat
Samantha Atia (*1984) è stada responsabla dapi l’avust 2023 per la furmaziun ed il svilup da la ISDU sco directura administrativa interimistica. Actualmain è ella responsabla sco directura dal secretariat per la coordinaziun e l’organisaziun dals process administrativs.
Ella ha fatg ina scolaziun mercantila ed ha concludì in bachelor en antropologia sociala e tudestg sco lingua estra. Ella dispona plinavant d’in’expertisa cumpletta en ils secturs direcziun d’in secretariat, organisaziun administrativa ed administraziun generala.
Experientschas preziusas cun tematicas relevantas per ils dretgs umans ha ella pudì rimnar durant sia davosa activitad professiunala tar la promoziun d’integraziun da la citad da Turitg.
Linguas: tudestg, englais, franzos, arab
Noémi Manco, responsabla per la communicaziun
Noémi Manco (*1989) è entrada tar la ISDU il matg 2024 sco responsabla per la communicaziun. Ella integrà il team suenter passa 11 onns en la communicaziun dals dretgs umans, en Svizra ed a l’exteriur. Tar differentas ONG ha ella lavurà tranter auter en l’ex-Jugoslavia, en la Republica democratica dal Congo, en Nepal ed en Columbia.
Suenter pliras experientschas en la communicaziun digitala ed en la gestiun da projects editorials sa spezialisescha ella dapi set onns en la communicaziun instituziunala: posiziunament, identitad, image public e relaziuns cun medias.
Ella ha il diplom da scienzas politicas Po Lille (Frantscha), ha era in Licenziat en relaziuns internaziunalas ed in Master en dretg penal internaziunal da l’Universitad da Kent (Grona Britannia).
Linguas: franzos, englais, talian, spagnol, tudestg
Nina Peier, practicanta
Nina Peier (*1996) è practicanta tar la ISDU dapi il zercladur 2024. Suenter in bachelor en filosofia e scienzas socialas a l’Universitad da Berna ha ella absolvì in studi da master en Human Rights Studies a Lund, en Svezia. Durant il studi ha ella lavurà tranter auter sco assistenta e tutora en la filosofia e sco practicanta da perscrutaziun en il sectur da la politica da dretgs umans internaziunala. Ultra da quai ha ella experientscha professiunala en ina administraziun chantunala en il sectur dals dretgs politics, nua ch’ella è stada participada oravant tut a l’organisaziun da votaziuns ed elecziuns.
Linguas: tudestg, englais, franzos
Rubina Lanfranchi, practicanta
Rubina Lanfranchi (*1997) è giurista e lavura dapi il settember 2024 sco practicanta tar la ISDU. Ella ha in master en dretg internaziunal ed europeic a l’Universitad da Genevra, cun accent sin ils dretgs umans ed il dretg da l’ambient. Suenter ha ella rimnà experientschas en differents temas relevants per ils dretg umans, oravant tut en connex cun ils dretgs da lavurer:as da sex ed en il sectur rassissem e discriminaziun.
Linguas: talian, tudestg, franzos, englais
common.related_articles
chargiar…